MKE WA LEMA AZUA MAPYA JUU YA KESI YA MUMEWE

Neema Lema, mke wa Mbunge wa Arusha mjini, Godbless Lema, amesema yeye na watoto wake hawajutii kutokuwa na mwanasiasa huyo ambaye yuko mahabusu kwa kuwa anapigania haki ya kidemokrasia.

Lema, ambaye alikamatwa Novemba 2 mjini Dodoma, hatakuwa pamoja na familia yake msimu huu wa sikukuu baada ya Mahakama Kuu kutupa hoja zake za kupinga kunyimwa dhamana katika kesi inayomkabili ya kutoa maneno ya uchochezi dhidi ya Rais John Magufuli. Mbunge huyo atakaa mahabusu hadi Januari.

“Mimi na hata watoto wangu, hatusikitiki kumkosa Lema ambaye yupo mahabusu. Tungejisikia vibaya sana kama Lema angekuwa mahabusu kwa kesi kama ya wizi au makosa mengine ya jinai,” alisema Neema